Бага насны хүүхдийн эрх, хамгааллыг дэмжих чиглэлээр төсөл хэрэгжүүлэхээр “Good neighbors” ОУБ-тай санамж бичиг байгууллаа.
Төслийн гол зорилго нь Баянзүрх дүүргийн 25 цэцэрлэг, тэдгээрийн багш, сурган хүмүүжүүлэгч нарт бага насны хүүхдийн эрх, хамгааллын суурь ойлголт өгөхөөс гадна амны хөндийн эрүүл мэндийн дадал хэвшлийг олон хувилбарт хэрэглэгдэхүүний тусламжтай, оролцоон суурилсан идэвхтэй сургалтын аргаар хүргэх аргачлал эзэмшүүлэхэд оршиж байна.
Төслийн хүрээнд цэцэрлэг тус бүрээс 2 багш, нийт 50 багшийг “Амны хөндийн эрүүл ахуй”, “Хүүхдийн эрх, хамгаалал” чиглэлээр сургагч багш болгоно. Ингэснээр сургагч багш нар эцэг эхчүүд, баг насны хүүхдүүдэд шаардлагатай сургалтыг орж, заавар зөвлөгөө өгөх боломжоор хангагдах юм.
