“Э.Бат-Үүл Засаг дарга байхдаа 500 саяар шатаах зуух барьсан нь хангалтгүй байгаа” гэв

Гэрийн тэжээвэр амьтны тухай хуулийн төслийг УИХ-ын Байгаль орчин, хүнс, хөдөө аж ахуйн байнгын хорооны хуралдаанаар хэлэлцэв.Энэ үеэр УИХ-ын гишүүн Б.Энхбаяр “Улаанбаатарын хувьд юун нохой, муур салхилуулах талбай битгий хэл хүүхэд салхилах талбай байхгүй. Харин хотын төв паркийг "Оюу толгой" ХХК нийгмийн хариуцлагын хүрээнд тохижуулах гэж байна. Зөвхөн нохой, муураа салхилуулах талбай бий болгох зүйл яригдаж байгаа юм билээ. Нохой, муурыг устгах талаар одоогоор ямар ч хууль эрх зүйн орчин байхгүй. Түр зуурын дүрмээр зохицуулдаг. Нохой, муурыг бүртгэлжүүлээд, үржлийг нь хаах юм бол орон нутгийн татварын орлогыг бүрдүүлэх нэг эх үүсвэр бий болно. Э.Бат-Үүл Улаанбаатар хотын засаг даргаар ажиллаж байхдаа нийслэлийн 500 сая төгрөгийн хөрөнгөөр шатаах зуух барьсан. Устгах ёстой нохой, муурын 10 хувийг л устгах боломжтой. Гэтэл одоо бүгдийг нь устгана гээд дахиад 10 зуух барих ёстой юу?” гэв.