Истанбулаас үнэт эдлэл хууль бусаар нэвтрүүлсэн иргэнийг шалгаж байна

Истанбулаас Улаанбаатар чиглэлд "Туркиш Эйрлайнс THY-236" дугаартай онгоцоор энэ сарын 3-наас 4-нд шилжих шөнө зорчсон 32 настай, эрэгтэй "М" нь улсын хилээр хууль бусаар үнэт эдлэл нэвтрүүлжээ. Тодруулбал, тэрбээр 371.9 грамм монет, 5,206.4 грамм мөнгөн эдлэл авч явсан байна. Уг хэргийг иргэний агаарын тээвэр дэх Цагдаагийн хэлтсийн алба хаагчид илрүүлэн мөрдөн шалгах ажиллагаа явуулж байгаа аж.