АН-ын залуучууд АН-даа шаардлага хүргүүлэв

Өнөөдөр иргэн Д.Мөнх-Эрдэнэд холбогдох шүүх хурал Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болсон. Үүнтэй холбогдуулан АН-ын төлөөлөгчид шүүхийн гадна жагсаал зохион байгуулсан юм.Энэ үеэр АЗХ-ны тэргүүн Н.Болдбаатар "Үзэл бодлоо илэрхийлсний төлөө хүний эрх зөрчигдсөн асуудалд Ерөнхийлөгч анхаарлаа хандуулахыг хүсэж байна. Өчигдөр иргэн Д.Монголхүүг хорьсон бол өнөөдөр Д.Мөнх-Эрдэнэд ял өгч, эрүүдэн шүүлт болж байна. Шаардлагын тухайд авлигажсан, ЖДҮ-сэн, нүүрсжсэн, хэдэн тэрбумаар идсэн хүмүүст хариуцлага тооцохгүй мөртөө үзэл бодлоо илэрхийлсэн залуучуудыг барьж, хорьж байна. Ардчилсан Монгол Улсад үзэл санааны хориглолт бий болоод байна. Энэ асуудал цаашид байж болохгүй. Үг, үзэл бодлоо илэрхийлэх залуучууд байхгүй бол яах вэ. Сөрөг хүчний байр суурийг илэрхийлээч, иргэдтэйгээ нийлээч хэмээн УИХ дахь АН-ын бүлэгт шаардлагыг хүргүүлж байна" хэмээн ярив.