Монгол Улсын Дотоод Хэргийн Их Сургуулийн эрдэмтэн багш, албан хаагч, сонсогч суралцагчдад D-Parliament цахим системийн хэрэглээ, ач холбогдлыг танилцуулж, санал солилцов.
Уг платформыг хэрэглээнд нэвтрүүлснээс хойш нэг жилийн ойн босгон дээр хууль сахиулах салбарт мэдлэг чадвар, ёс суртахууныг эрхэмлэсэн үе үеийн албан хаагчдын эрдмийн өргөө ДХИС-ийн бие бүрэлдэхүүнтэй уулзаж, олон чухал саналуудыг сонслоо.
Өнөөдрийн байдлаар D-Parliament платформд 170 хуулийн төсөл байршиж, дэлхийн 81 улсаас хандалт хийж танилцжээ. Түүнчлэн уулзалтын үеэр яг одоо хэлэлцүүлгийн шатанд байгаа Шүгэл үлээгчийн эрх зүйн байдлын тухай хуулийн төсөл, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн төслүүдэд сургуулийн бие бүрэлдэхүүний төлөөлөл саналаа илэрхийлж байв.
