Засгийн газраас хэрэгжүүлж буй "5Ш" ажиллагааны нэг нь Шилэн ажиллагаа. Энэ хүрээнд ЦХХХЯ-наас Тусгай хамгаалалттай газрын
мэдээллийг олон нийтэд ил тод болгоод байгаа. Өнөөдрийн байдлаар нийт 2162 зөвшөөрөл бүртгэлтэй байгаа аж. Тэр дунд олны танил эрхэм, өндөр албан тушаалтнууд багтжээ.
Тухайлбал, МАК-ийн Б.Нямтайширын охин Цэлмүүн Богд уулын дархан цаазат газарт Түргэний аманд 2011 оноос хойш 22.83 га газар эзэмшиж байгааг shilen.gov.mn-ээс харж болно.
Мөн “Гацуурт”-ын Л.Чинбатын охин Номин 2017 онд Нүхтийн аманд 0.355 га газар эзэмшжээ. Соёлын яамны сайд Ч.Номин нь улс төрийн туршлагагүй гэгддэг бөгөөд сайдын тангараг өргөх ёслолоос авахуулаад олны хэл амны бай болсоор ирсэн. Энэ мэт олны танил, нэр нөлөө бүхий айлын эрх охид тусгай хамгаалалттай газар эзэмшиж байгаа явдал олон нийтийн бухимдлын төрүүлэв.
