Тайландын хэвлэл мэдээллийн хэрэгслүүдийн 3-р сарын 31-ний өдөр мэдээлснээр, тус улсын алдарт дуучин Ам Чутима нь 25-ны шөнө Инчон хотын нэгэн клубт тоглолт хийсэн ба уг тоглолтын үеэр хууль бусаар Өмнөд Солонгост ажиллаж амьдарч буй тайландчуудыг олноор нь баривчилсан талаар онцолсон байна.
Тодруулбал хууль сахиулагчид тоглолтын үеэр гэнэтийн шалгалт хийн 158 хууль бус цагаачийг баривчилжээ.
Мөн Инчоны Цагаачлалын алба 26-ны өдрийн 02:00 цагийн үед Инчон хотод орших зөвхөн гадаадын иргэдэд үйлчилдэг шөнийн клубт шалгалт хийж, хууль бусаар оршин сууж байсан 83 иргэнийг баривчилсан бөгөөд эдгээр хүмүүсийн 80 нь Тайланд улсын иргэн байсан нь тогтоогджээ.
Мөн Солонгосын Цагаачлалын албаныхан 4-р сарын 30-ийг дуустал баривчилгааг сунгаад байгаа билээ . Иймд солонгосд амьдарч буй иргэд маань гадаадын иргэдэд үйлчилдэг шөнийн клуб, болон тоглолт зэрэгт явахдаа анхаарал болгоомтой байхыг сэрэмжлүүлж байна.
