Шалгагдаж байгаа нөхрийг Засаг даргад зүтгүүлж байгаа сурагтай

Баянгол дүүргийн ИТХ хуралдаж, Засаг дарга Ө.Сумъяабаатараа огцруулаад байгаа. Тэгвэл тус дүүргийн Засаг даргад хэн байх вэ гэдэг марафон эхэлжээ. Эх сурвалжийн мэдээллээр, Баянгол дүүргийн Засаг дарга Ч.Мэндбаяр болох тохироонд хүрсэн гэх. Тэрбээр, Баянгол дүүргээс 2020-2024 онд Нийслэлийн ИТХ-ын төлөөлөгчөөр сонгогдсон. Сонгогдохоосоо өмнө Баянгол дүүргийн Хөдөлмөр, халамжийн хэлтсийн дарга хийж байжээ. Түүнийг улс төрийн хүрээнд хотын даргын ойрын хүн гэж үздэг. Тиймдээ ч төлөөлөгч болсон даруйдаа Орон сууц нийтийн аж ахуйн удирдах газрын даргаар томилогдсон гэлцдэг. Мөн 2022 оноос хойш өнөөдрийг хүртэл түүнийг АТГ-аас эрх мэдэл, албан тушаалаа урвуулан ашиглаж айл өрх, аж ахуй нэгжийн усны төлбөрт илүү бичилт хийж төрөөс мөнгө завшсан байж болзошгүй хэргээр шалгасаар байгаа юм байна.