ДАЛИЙ Б.ДЭЛГЭРСАЙХАН

УИХ-ын чуулганы нэгдсэн хуралдаан болж байна. Хуралдаанаар “Монгол Улсын эрдэнэсийн сангийн үндсэн сангийн орлого, үндсэн болон гүйлгээний сангийн зарлагын 2023 оны төсвийн тухай” Улсын Их Хурлын тогтоолын төслийг хэлэлцэж байгаа юм. Энэ үеэр УИХ-ын гишүүн Б.Дэлгэрсайхан “Амрыг эрье” гэж ирээд л шал далий асуулт асуув. Тодруулбал, “Хувийн аж ахуй нэгжүүд бүгд дампуураад мөнгөгүй байна, та нар яагаад зээлээ хумьчихав аа. Өвөл болоод цас ордог гэж ярьдаг шиг хавар болоод том бүтээн байгуулалт эхлэх гэж байхад олон хүн ажлаа эхлэх гээд байдаг, мөнгө байхгүй сууж байна. Мөнгөний бодлогоо буруу удирдаад байх шиг байх юм. Ипотекийн зээл яагаад алга болчихов. Ялангуяа хөдөө орон нутагт ямарч ипотекийн зээл алга. Засгийн газрын бодлогын эсрэг яваад байгаа юм уу хаашаа юм” гэлээ.Монгол банкны дэд Ерөнхийлөгч Г.Энхтайван “Энэ жил ипотекийн зээлийн 30 хувьд Зээлийн Батлан даалтын сан орж ирж байна. Орон нутагруу энэ зээл илүү чиглэж байгаа. Төв банкны зүгээс энэ оны II дугаар улиралдаа багтаад ипотекийн зээлийн хөтөлбөрийг Засгийн газар, Сангийн яаманд шилжүүлнэ” гэхчлэн хариулав. Мэдээж асууж байгаа асуултын агуулга их зөв. Харамсалтай нь Монгол Улсын Эрдэнэсийн сангийн орлого зарлагыг ярилцаж байх шал далий орж ирэв ээ гэж.