Мэдэхгүй сэдвээрээ биш мэддэг сэдвээрээ попормоор байна аа Ц.Сандаг-Очир оо!

УИХ-ын чуулганы нэгдсэн хуралдаан болж байна. Хуралдаанаар “Монгол Улсын эрдэнэсийн сангийн үндсэн сангийн орлого, үндсэн болон гүйлгээний сангийн зарлагын 2023 оны төсвийн тухай” Улсын Их Хурлын тогтоолын төслийг хэлэлцэж байгаа юм. Энэ үеэр УИХ-ын гишүүн Ц.Сандаг-Очир асуудлаа ч мэдэхгүй, Эрдэнэсийн сангийн тухай ойлголт ч байхгүйгээ харуулж попрох гэж хичээв. Эргүүлээд асуултандаа ороогдож,  “мад” тавиулж орхив. Тодруулбал,  “Эрдэнэсийн сангаас ховор түүхийн зураг, уран баримал, бурхад алдагдсан гэдэг ярианууд олон нийтийн дунд байдаг. Үүнд хариулт авая” гэв. Харин Монгол банкны дэд Ерөнхийлөгч Г.Энхтайван түүний асуултад “ Тус санд уран баримал болон уран зураг хадгалагддаггүй. Үнэт металл буюу эрдэнэсийн зүйлээр хийгдсэн түүх соёлын хосгүй үнэт зүйл шилжиж ирсэн байдаг. Мөн сангаас ямар нэгэн эд зүйлс алдагдаагүй” гэж хариулав. Үргэлжлүүлэн, Ц.Сандаг-Очир “Аялал жуулчлалын байдлаар үзүүлж харуулах боломжтой байдаггүй юм уу” гэхэд “Эрдэнэсийн сан өөрсдийн үзмэрийн танхимтай. Тухай бүр олон нийтэд үзмэрээ дэлгээд явдаг. Мөн “Чингис хаан” музейтэй гэрээлж, энэ сангийн хосгүй үнэт зүйлсийг ард иргэдэд дэлгэсэн байгаа” гэв. Товчхондоо, мэдээлэл, мэдлэг дутмаг, асуудлаа ойлгоогүй, худал попрохыг хичээсэн Ц.Сандаг-Очирт тохирсон хариултыг өгсөн нь энэ.