Т.Доржханд: УИХ-ын гишүүдийн тоог зайлшгүй нэмэх шаардлагатай
УИХ-ын гишүүн Т.Доржханд өнөөдөр /2023.03.28/ цаг үеийн асуудлаар хэвлэлийнхэнд тайлбар өгчээ.
Тэрбээр "УИХ-ын гишүүдийн тоог зайлшгүй нэмэх шаардлагатай. Учир нь, манай парламентын засаглалтай орон. Давуу тал нь олуулаа нийлж шийдвэрээ гаргадаг. Гэтэл олуулаа шийдвэр гаргаж чадахгүй байна. Маш цөөхүүлээ шийдвэр гаргаж байна. Байнгын хороо ихдээ 19 гишүүнтэй байна. Ирц бүрдэхдээ 10 гишүүн байна. Хууль батлахдаа зургаан гишүүнд л байна. Чуулган дээр тийм зүйл байхгүй. Хууль бол зургаан хүний саналаар батлагдаж байгаа нь бодитой байдал. Би гэхэд гурван байнгын хороонд байна. Цаг хугацаа алдаж байна гэсэн үг. Манай хуулийн чанар муу, хэрэгжилт муу байдаг. Ардчилалыг хамгаалдаг гол зүйл нь гишүүд, парламент өөрөө юм. Манайх нэг хүн, нэг нам, нэг гэр бүл удирдаад явах юм бол гаднын нөлөөнд маш хурдан орно" гэлээ.
