Ж.Батсуурь: Зэвсэглэсэн иргэдтэй би огт холбоогүй
УИХ-ын гишүүн Ж.Батсуурь Сүхбаатар аймагт байрлах уурхай руу буутай этгээдүүд дайрсанд өөрийг нь холбогдуулан мэдээлэл тархаж байгаад тайлбар өглөө.Тэрбээр “Зохион байгуулалттайгаар намайг гүтгэж байна. Тодруулбал, Хятад иргэд зэвсэглэсэн этгээдүүдийг хөлслөн уурхай дээрэмдсэн хэргийн ард намайг байсан гэх мэдээллийг хэвлэл мэдээллийнхэн цацсан. Би үүнтэй огт, ямарч холбогдолгүй. Нэг ч сэжим байхгүй зүйлээр намайг гүтгэн доромжилж, араас нь мөнгөөр ивээн тэтгэж, 300 орчим мянган хүнд тараад, 5 мянга гаруй шэйр хийж, 2 мянгаад хүнээр намайг зүхүүлсэн. Сүхбаатар аймагт зэвсэглэсэн этгээдүүд ямар нэгэн үйлдэл хийгээгүй гэдгийг өчигдөр Сүхбаатар аймгийн Цагдаагийн хэлтсийн дарга, хурандаа мэдээлэл хийж байна лээ” гэв.
