Оросын шинэ довтолгооны үеэр Украины дөрвөн иргэн амь үрэгдлээ
Оросын дронууд Украины Киев мужийн хэд хэдэн хот руу довтолж дөрвөн хүний аминд хүрчээ. Нийслэл Киев хоттой ойр Ржищив хотын хоёр орон сууцны барилгын дээд давхруудыг бөмбөгдсөн бөгөөд нас барагсдын дунд 11 настай хүүхэд байсан гэв.
Севастопол хотын оршин суугчид дэлбэрэлтийн чимээг сонссон байна. Оросын мэдэлд байгаа Крымын мэдээлснээр Украины дронуудын довтолгоог няцаасан хариу үйлдэл нь энэ аж.
Оросын довтолгоог удирдаж буй Михаил Развожаев "Хар тэнгисийн флотыг чиглэж явсан гурван биетийг устгасан. Оросын усан онгоцнууд гэмтээгүй" хэмээжээ.
Украины зэвсэгт хүчин одоогоор тайлбар хийгээгүй ч энэ долоо хоногийн эхээр Крымын умард хэсэг дэх Жанкой дахь пуужингуудыг устгаснаа мэдэгдэж байв.
Харин тус улсын Ерөнхийлөгч Володимир Зеленьский "Оросууд 20-оос олон алуурчин дрон болон пуужингууд хөөргөсөн" гэв.
Оросын Бахмут дахь довтолгоо бүтэлгүйдэж эхэлсэн гэж Их Британийн Батлан хамгаалах яам үзэж байгаа бөгөөд шалтгаан нь хүчээ өөр фронтууд руу салгасантай холбоотой хэмээсэн.
