Ч.Хүрэлбаатар: Инфляцийн түвшин тасралтгүй буурч байна

Засгийн газрын хуралдааны дараа Эдийн засаг, хөгжлийн сайд Ч.Хүрэлбаатар инфляцийн нөхцөл байдлын талаар мэдээлэл өглөө. Эдийн засаг, хөгжлийн сайд Ч.Хүрэлбаатар: "Энэ оны гуравдугаар сарын 21 буюу өчигдрийн байдлаар инфляцийн түвшин 12 хувьтай байна. Инфляц хамгийн өндөр түвшинд хүрсэн цаг хугацаа бол 2022 оны 6-р сар. Өнгөрсөн оны зургаадугаар сард 16.1 хувьтай байсан. 2022 оны эцсийн байдлаар 13.2 байсан. Хоёрдугаар сард 12.2 хувьтай байна. Эндээс харахад инфляцийн түвшин тасралтгүй буурч байна. Энэ оны эхний хагастаа инфляцийн түвшин нэг оронтой тоо руу орчих болов уу гэсэн төсөөллийг Эдийн засаг, хөгжлийн яам хийсэн. Учир нь Монгол Улсын худалдааны гол түншүүд болох БНХАУ, Солонгос, Орос, Турк зэрэг улсуудад инфляцийн түвшин буурч байна. БНХАУ-д 1 хувь, БНСУ-4.8 , ОХУ-д 11 хувьтай байна. Худалдааны гол түншүүдэд инфляц буурч байгаа нь манайд эргээд буурах нэг нөхцөл. 2. Дэлхий нийтээрээ мөнгөний бодлогоор зохицуулах хандлага руу шилжээд орсон. Энэ бол хамгийн бодитой бөгөөд зөв арга. Тийм учраас инфляцийн түвшин бууна гэсэн хүлээлт хаа сайгүй байна. Бодлогын хүүгээ нэмэгдүүлж байна. 3. Монгол Улс мөнгөний бодлогын хүүгээ хэвээр байлгалаа. Инфляцийн эсрэг арга хэмжээгээ үргэлжлүүлээд авна. Мөн төсвийн бодлогын арга хэмжээ орж ирдэг. Үндсэн тэнцэл байдаг. Энэ бол нэмэхтэй байгаа. Өөрөөр хэлбэл олж байгаа нь их, зарцуулж байгаа нь бага байгаа гэсэн үг. Энэ нь инфляцийг өдөөхгүй байна. 4. МУ-ын валютын нөөц байна. Үүнийг барихад валютын нөөц 3.3 тэрбум ам.долларын буюу хангалттай хэмжээнд байна. Валютын зах зээл тогтворжсон байна. ЗГ-аас бараа бүтээгдэхүүний өрсөлдөөнийг нэмэгдүүлэх чиглэлээр янз бүрийн хориг саад хүнд суртлыг багасгах, эсвэл зарим салбарт хэтэрхий монопольжсон зүйлсийг багасгах чиглэлээр ЗГ арга хэмжээ авч байна. Эдийн засгийн өсөлт 4.8 байна. Өснө гэдэг нь хувийн хэвшлийн орлого нэмэгдэнэ. Мөн хөдөөгийн өрхийн орлого буурсан. Арьс шир, ноолуур махны экспортыг нэмэгдүүлэх чиглэлээр арга хэмжээг ЗГ-аас авсан. Хил боомтоор арьс шир, мах гарч байна. Түүхий эдийн үнэ өсөх хандлагатай байгаа нь хөдөөгийн өрхийн орлого нэмэгдэх хандлагатай байна." гэлээ.