Парисын гудамж буюу Буянгийн зам дахь явган хүний замыг өргөтгөж эхэлжээ

Өнгөрсөн онд нийслэлд 63 мянган ам метр явган хүний зам тавихаар төлөвлөж, гуравны нэгийг нь буюу 20 мянга гаруй ам метрийг нь гүйцэтгэжээ. Үлдсэн 40 мянга гаруй ам метрийг нь энэ жил үргэлжлүүлнэ. Энэ долоо хоногоос явган хүний зам тавих, нарийн замуудыг өргөтгөх ажлууд Парисын гудамжнаас эхэлжээ. Мөн энэ жил 25 мянган ам метр явган зам шинээр тавина. Зорчигчийн урсгал, олны хөл хөдөлгөөн ихтэй, явган зам тавих шаардлагатай байршлуудын судалгааг гаргасан байна. Зам нь дан шороогоороо, эсвэл хөгжлийн бэрхшээлтэй иргэд олноор зорчдог, хүний хөдөлгөөн ихтэй байршлуудад түрүүлж зам тавих аж.