ТикТок аппликейшн нь үндэсний аюулгүй байдалд урьдчилан таамаглах аргагүй хэмжээнд аюул учруулах эрсдэлтэй тул Канад улсын Засгийн газрын зарим байгууллагуудад ТикТок аппликейшныг хэрэглэхгүй байх хориг тавьжээ.
АНУ-ын холбооны нэгжүүд, Европын комисс ч бас цөөнгүй хоногийн өмнө ТикТок аппликейшныг хэрэглэхгүй байх хориг тавьсан юм.
Тухайн шийдвэрт ТикТок компанийн зүгээс “ Энэ шийдвэртэй санал нийлэхгүй байна. Яагаад үндэсний аюулгүй байдалд учруулна гэж байгааг ойлгохгүй байна” гэлээ.
Харин Канадын Ерөнхий сайд Жастин Трюдо “ Аюулгүй байдалд эрсдэл учруулж болзох олон зүйл бий. Бүтцээ өөрчлөх хэрэгтэй” гэсэн.
Өнөөдрийн байдлаар ТикТок апп-ыг хувийн мэдээллийг ашиглан Хятадын Засгийн газартай холбоотой ажилладаг гэсэн сэрдлэг олон улсад байсаар байгааг BBC мэдээллээ.
