"Алтай констракшн"-ны Х.Бат-Эрдэнэ Хөгжлийн банкнаас 50 тэрбум төгрөгийг зээл авчээ
УИХ-аас байгуулсан Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах сонсголын гурав дахь шат Төрийн ордноо өнөөдөр /2023.03.16/ дөрөв дэх өдрөө үргэлжилж байна.
Хөгжлийн банкнаас "Алтай групп" ХХК газар тариалангийн салбар төсөл хэрэгжүүлэхээр нийт 50 тэрбум төгрөгийн зээл авчээ. Тодруулбал, хөтөлбөрийн хүрээнд 2014 онд 20 тэрбум төгрөг, 2016 онд Дорнод аймгийн Халх гол суманд гурилын үйлдвэр байгуулах төсөлд 30 тэрбум төгрөгийн зээл авсан байна.
Тус компанийн 20 хувийг Х.Бат-Эрдэнэ эзэмшдэг бол 80 хувийг нь "Алтай констракшн" эзэмшдэг байна. Сонсголд Х.Бат-Эрдэнийг гэрчээр дуудсан ч хүрэлцэн ирээгүй юм.
