Хөгжлийн банкны сонсголд О.Цогтгэрэл гэрчээр оролцож байна

Нотлох баримтыг шинжлэн судлах сонсголын гурав дахь шат Төрийн ордноо өнөөдөр дөрөв дэх өдрөө үргэлжилж байна. Өнөөдрийн сонсголоор арилжааны банкуудаар дамжуулан олгосон гурван багц зээлийн асуудлыг авч хэлэлцэх бөгөөд төслүүдтэй холбоотойгоор 78 гэрч оролцуулахаар дууджээ. Экспортыг дэмжих, импортыг орлох үйлдвэрлэлийн 888 төслийг хэлэлцэж байна. УИХ-ын гишүүн О.Цогтгэрэл гэрчээр оролцож, “Арилжааны банкны зээлд хэнч нөлөөлж чадахгүй. Бодлогын хувьд зөв байсан. Хэрэгжилтийн хувьд нягталж шалгах ёстой олон асуудал байгаа байх” хэмээв.УИХ-ын гишүүн Ж.Сүхбаатар “Үр дүн их чухал, экспортод гарсан уу, импортыг оролсон уу гэдэг юмыг Цогтгэрэл гишүүн хэлж байна. Гэтэл шинжээчийн дүгнэлт дээр үр дүнгийг нь тооцох асуудал хангалтгүй байсан гээд байгаа. Материал, тайлан хангалтгүй байна гэж байна. Яагаад материал дутаж, алга болчихов гэдгийг асуумаар байна” гэв. Шинжээч "888 хөтөлбөрийн хүрээнд 2 тэрбумаас дээш дүнтэй төслүүдийн сонгон шалгаруулалт дээр шалгуурууд тавигдсан. Энэ төслийн жагсаалтыг хэн, ямар албан хаагчид, ямар шаардлагаар бүртгээд арилжааны банкуудад хүргүүлсэн талаарх мэдээлэл байхгүй байгаа" гэсэн юм.