БНХАУ эдийн засгаа дэмжих багц танилцуулаагүйгээс металлуудын үнэ уналаа

Лондоны Металлын биржид зэсийн үнэ 0.8 хувиар буурч, тонн нь 8915 ам.доллар болоод байна.Бүх Хятадын Ардын төлөөлөгчдийн их хурлаар БНХАУ эдийн засгаа дэмжих шинэ багц арга хэмжээ танилцуулаагүйгээс төмрийн хүдэр, зэс зэрэг таваарын үнэ унав. Түүнчлэн эдийн засгийн өсөлтөө энэ онд таван хувьд хүргэх зорилт шинжээчдийн таамгаас доогуур байсан юм. Мөн үл хөдлөх хөрөнгө, дэд бүтцийн салбарыг дэмжих томоохон арга хэмжээ зарлаагүй нь металлын үнийн уналтад нөлөөлж байна. Даваа гарагт Сингапурын биржид төмрийн хүдрийн үнэ 3.2 хувиар унаж, тонн нь 121 ам.доллар болжээ. Энэ нь Бүх Хятадын Ардын төлөөлөгчдийн их хурлаар үл хөдлөх хөрөнгийн зах зээл дэх эмх замбараагүй өсөлтөд анхаарна гэж мэдэгдсэнтэй холбоотой гэж шинжээчид үзэж байна. Лондоны Металлын биржид зэсийн үнэ 0.8 хувиар буурч, тонн нь 8915 ам.доллар болжээ. Мөн цайрын үнэ 1.4 хувиар, хөнгөн цагааны үнэ 0.3 хувиар унажээ. Төмрийн хүдэр олборлогч “BHP”, “Rio Tinto” зэрэг компаниудын хувьцааны ханш мөн унаад байна.