Мал хулгайлдаг бүлэг этгээдийг илрүүллээ

Дөрвөн удаагийн үйлдлээр иргэдийн найман тооны бод, 20 тооны бог мал хулгайлсан бүлэг этгээдийг илрүүллээ. Баянхонгор аймгийн цагдаагийн газраас мал хулгайлах гэмт хэрэгтэй тэмцэх, түүнээс урьдчилан сэргийлэх, илрүүлэх чиглэлээр хяналт шалгалт зохион байгуулах ажлын хүрээнд хулгайчдыг илрүүлжээ. Иймд малчид та бүхэн мал сүргээ байнгын хараа хяналттай хариулгатай байлгаж, сэжиг бүхий этгээдүүд байгаа тохиолдолд цагдаагийн байгууллагад шуурхай мэдэгдэж байхыг анхааруулж байна.