БГД-ийн Засаг дарга бүх ТҮЦ-ийг ачих захирамжаа хүчингүй болгосон тул ТҮЦ-ийн холбоо жагсаал хийхээ больжээ

БГД-ийн Засаг дарга Ө.Сумъяабаатар захирамжаа цуцалсан тул ТҮЦ-ээр амь зуугчдын холбооныхон Шинийн 1-нд төв талбайд хийхээр төлөвлөж байсан жагсаал цуглаанаа цуцалсан талаар мэдээллээ. Нийслэлийн БГД-ийн Засаг дарга Ө.Сумъяабаатар дүүргийнхээ хэмжээнд бүх ТҮЦ-ийг хоморголон ачих шийдвэр бүхий захирамжаа хоёрдугаар сарын 14-нд цуцалж, хүчингүй болгожээ. ТҮЦ-ийг цэгцлэх, журамлах асуудлыг хоорондын хэлэлцлийн үр дүнд шат дараатай хийхээр төлөвлөсөн гэв.  Өмнөх захирамжийг яаралтай цуцлахгүй бол олон мянган иргэдийн амьжиргааг залгуулах боломжгүй болсон тул "Бидэнд баярлах шалтгаан байхгүй" жагсаалыг хийхээр төлөвлөж байсан юм.