Тээврийн хэрэгслийг ачих үед тухайн жил анх удаа зөрчил гаргасан бол сануулна

ийслэлийн иргэдийн төлөөлөгчдийн ээлжит 17-р хуралдаан өнөөдөр болов. Хурлаар нийслэлийн авто замын түгжрэлийг бууруулах зорилгоор тээврийн хэрэгслийг ачих, шилжүүлэх дүрэм, журамд өөрчлөлт оруулах талаар нийслэлийн иргэдийн төлөөлөгчид, харьяа агентлагуудын төлөөлөгчид санал солилцов. Хурлын эхэнд Нийслэлийн замын хөдөлгөөний удирдлагын төвийн захирал С.Адъяасүрэн “Замын хөдөлгөөн зохицуулах, хянан шалгах журам”-д нэмэлт, өөрчлөлт оруулах тээврийн хэрэгслийг ачих, буулгах журамын талаар саналыг танилцуулав. Тэрбээр “Нийслэлийн зургаан дүүрэгт 15 ачих, шилжүүлэх компани байна. Өнгөрсөн онд 120 мянган тээврийн хэрэгслийн ачих санал ирүүлснээс, 44 хувь буюу 52 мянга гаруй тээврийн хэрэгслийг ачиж, шилжүүлсэн. Тухайн журмыг хууль тогтоолын дагуу хянан гаргасан. Түүнчлэн нийслэлийн удирдлагын чиглэл, иргэдээс ирсэн “ачиж, зөөвөрлөх асуудлыг ойлгомжтой тайлбарлахгүй, боломж олгохгүй шууд ачиж байна” гэх санал гомдлын дагуу журамд өөрчлөлт оруулах саналыг гаргасан” гэв.