960 хүүхдийн хүчин чадалтай сургууль 2500 сурагчтай хичээллэж байна
Нийслэлийн 153 дугаар сургууль 960 хүүхдийн хүчин чадалтай. Гэвч ашиглалтын шаардлага хангахгүй болсон 12 дугаар сургуулийн суралцагчид нийлж хичээллэх болсноор өнөөдөр 2500 хүүхэдтэй үйл ажиллагаа явуулж байна.
Гэвч төсөв нь сандал, ширээ, сургалтын хэрэглэгдэхүүнээс авахуулаад бүхий л зүйлс 960 хүүхдээр бодож олгосон учраас өнөөдөр хүүхдүүд сурах, багш нар ажиллах боломж болжээ. Тиймээс энэхүү асуудлыг яаралтай шийдвэрлэх шаардлага үүссэнийг Нийслэлийн ИТХ-ын Хүний хөгжлийн хороо хуралдаж, Нийслэлийн Боловсролын газрын 2023 онд хэрэгжүүлэх арга хэмжээ, төлөвлөгөөтэй танилцах ажиллагааны үеэр хөндлөө.
Ер нь нийслэлийн хэмжээнд 20 гаруй сургууль ачаалал, даац хэтэрсэн байна. 153 дугаар сургуулийн нөхцөл байдлыг яаралтай шийдвэрлэнэ гэдгийг Нийслэлийн Боловсролын газрын дарга хэллээ.
