Туул голд автомашинтайгаа цөмөрсөн жирэмсэн эмэгтэй, бага насны хүүхдийг аварчээ

Нийслэлийн Баянзүрх дүүргийн 20 дугаар хороо, Гачууртын эцэст “Туул” голын мөс цөмөрч автомашин суусан жирэмсэн эмэгтэй, бага насны хүүхэд гарч чадахгүй байна гэсэн дуудлага өчигдөр /2023.0129/ Онцгой байдлын албанд иржээ. Дуудлагын дагуу Нийслэлийн Аврах ангийн алба хаагчдыг очиход Туул голын мөс цөмөрч "Приус" маркийн автомашин суусан байсан. Автомашины бүхээгт байсан дөрвөн том хүн, нэг хүүхдийг эсэн мэнд татан гаргав. Ихэнх гол мөрөн, нуурын мөсний зузаан 5-35 см нэмэгдсэн хэдий ч нуурын толио болон голын нийт уртын дагууд мөсний зузаан харилцан адилгүй байгаа. Иймд  цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг  онцгойлон анхааруулж байна. Эх сурвалж: ОБЕГ