Олон жүдогийн бөхийн холбоо (IJF)-ны 2023 оны хамгийн эхний тэмцээн Португалийн Гранпри нэгдүгээр сарын 27-29-нд Алмада хотод боллоо.
Алмадагийн татамид манай улсаас залуучууд түлхүү оролцсон эрэгтэй найм, эмэгтэй есөн жүдоч дэлхийн шилдгүүдтэй өрсөлдсөн. Тэмцээний сүүлийн өдөр эрэгтэйчүүдийн +100 кг-ын жинд "Женко" клубийн тамирчин ОУХМ Одхүүгийн Цэцэнцэнгэл хүрэл медаль хүртлээ.Тэрбээр Португалд таван барилдаан хийсэн бөгөөд медальтай үлдэх эсэхээ шийдэх барилдаанд өнгөрсөн жилийн Загребийн Гранприд ялагдаж байсан Нидерландын Ян Спижкерстэй даагаа нэхэж хавирах мэхээр цэвэр ялсан юм.
