Халх голд тахь нутагшуулна

ХХААХҮ-ийн сайд Х.Болорчулуун Тахь нутагшуулах төслийн ажлын багийнхантай уулзжээ. Биологийн ухааны доктор Б.Баттөр, О.Ганбаатар нар ахлан Чех улсын Прага хотын амьтны хүрээлэнтэй  хамтран ажиллаж Дорнод аймгийн Халх голын Нөмрөгийн Сүмийн хоолойд 50-иас дээш тооны тахь нутагшуулж эхлэхээр тохиролцжээ. Тус бүс нутаг нь тахь үржүүлэхэд байгаль цаг уур, ус, ургамлын хувьд хамгийн тохиромжтой учир оновчтой сонголт гэж үзсэн бөгөөд тахь үржиж байгаль дахь амьтны хүрээлэн бий болно хэмээн сайд Х.Болорчулуун цахим хуудсаараа дамжуулан мэдээлсэн байв.