Сар шинийн баярын нэгдсэн үзэсгэлэн худалдааг "Шинэ 100 айл" барилгын материалын төвд 2023 оны нэгдүгээр сарын 19-ний өдрөөс хоёрдугаар сарын 19-ний өдрийг дуустал зохион байгуулна.
Үүнтэй холбоотойгоор тээврийн үйлчилгээний Ч:51 "3-4 хороолол - Дүнжингарав худалдааны төв" чиглэлийг сунгаж "3-4 хороолол - Дүнжингарав худалдааны төв - шинэ 100 айл худалдааны төв" болгож сунгахаар төлөвлөөд байна.
Иймд иргэд та бүхэн тухайн чиглэлд үйлчлүүлэх бол доорх зураглалын дагуу зорчилтоо төлөвлөхийг
Нийтийн Тээврийн Газраас зөвлөлөө. Мөн чиглэлийн үйлчилгээтэй холбоотой санал хүсэлтийг 70044040 дугаарын утсанд 24 цагийн турш хүлээн авч шуурхай шийдвэрлэхээ мэдээлэв.
