Тэрбээр "2013 оны наймдугаар сард нүүрсний үнэ 27 ам.доллар болж унасан нөхцөл байдалтай байсан. Үүний эсрэг хэд хэдэн арга хэмжээ авах хэрэгтэй байлаа. Нэгдүгээрт, тээврийн зардлыг бууруулахын тулд зам барих хэрэгтэй байв. Хоёрдугаарт, Цагаан хадад ачсан нүүрсээ буулгахгүйгээр уурхайгаас шууд хил гаргах асуудлыг шийдвэрлэхээр хэлэлцсэн. Ингэж Монголд хэдэн долларыг хадгалж, үлдээж чадсан юм.
Миний гаргасан Нүүрсний экспортыг дэмжих талаар авах зарим арга хэмжээний тухай тогтоолд Хөгжлийн банкнаас зээл авна гэх үг байхгүй" гэсэн юм.
Үргэлжлүүлэн тэрбээр "Манай Засгийн газарт энэ асуудал орж ирээгүй. Ч.Сайханбилэгийн Засгийн газрын үед Хөгжлийн банкнаас авсан зээлийг 2019-2020 оны улсын төсвөөс төлнө гэж заасан байдаг" гэлээ."Хөгжлийн банк"-ны захирал асан Н.Мөнхбат дээрх асуудалтай холбоотой Авто зам эзэмших, ашиглах эрх, дэд бүтцийг шилжүүлэн явах төлбөрийг санхүүжүүлэх тухай тогтоолд тайлбар өгөв.УИХ-ын гишүүн Б.Энхбаяр:-Уг асуудалтай холбоотой тогтоолыг хэн боловсруулав. Зээлийн эргэн төлөлтийг улсын төсвөөс хийх болсон шалтгаан юу вэ?"Хөгжлийн банк"-ны захирал асан Н.Мөнхбат:-Эдийн засгийн ашгийг Засгийн газар хамгийн ихээр хүртсэн. Тиймээс "Эрдэнэс Монгол" бус Засгийн газар төлөх нь оновчтой хэмээн Зээлийн хорооноос шийдвэрлэсэн. Зээлийн санхүүжилтийг тухайн үед Монголбанкнаас гаргасан юм. Тэгж зээлийг олгосон. Эргэн төлөлт нь урт хугацаанд, бага хүүтэй байсан. Тогтоолыг хэрхэн бүрдүүлж оруулсныг мэдэхгүй. Намайг ажлаа өгсний дараа УИХ-аас 2015 онд тогтоол гаргаж, улсын төсвөөс бус аж ахуйн нэгжээс төлүүлэхээр болсон юм билээ. Одоо энэхүү замаас "Эрдэнэс Монгол" ашиг олдог бололтой байсан.
