БНХАУ Тайванийн ойролцоо цэргийн сургуулилт хийлээ

БНХАУ-ын Ардын чөлөөлөх армийн удирдлага Тайванийн усан болон агаарын хилийн ойролцоо цэргийн сургуулилт хийснээ зарлалаа. Сургуулилт өчигдөр эхэлжээ. Зорилго нь салан тусгаарлах зорилготой Тайванийн зэвсэгт хүчний эсрэг үр дүнтэй туллдах явдал аж. Хэрвээ байлдааны ажиллагаа зайлшгүй тулсан тохиолдолд далай болон агаар гэсэн талбар дээр зэрэг өрнөн гэж ХАЧА мэдпэгдэлдээ онцолжээ. Тайванийн тал хариу мэдэгдэлдээ БНХАУ-ыг “Үндэслэлгүйгээр өдөөн хатгаж байгаа” гээд, ашиг сонирхлоо эцээ хүртэл хамгаалахаа илэрхийлжээ. Тус улс усан болон агаарын хилийнх нь ойролцоо БНХАУ-ын зүгээс үзүүлж буй идэвхжилд мониторинг хийж, өдөр бүр олон улсад зарлах болсон талаар бид өмнө нь мэдээлсэн. Энэхүү мониторингоор, сүүлийн 24 цагт БНХАУ-ын 57 нисэх онгоц, дөрвөн хөлөг онгоц хилийн ойролцоо ирсэн гэсэн дүн гарсан байна. БНХАУ өнгөрсөн сарын 26-нд түүхэнд хамгийн их хүчээр Тайванийн хил зөрчсөн байдаг. Тухайн өдөр БНХАУ-ын 71 нисэх онгоц /нисэгчгүй аппарат, сөнөөгч онгоц нийлээд/ Тайванийн агаарын хилийг зөрчжээ.