Ж.Батсуурь: Ардчилсан Намын анхан болон дунд шатны гишүүдийн дунд хагарал байдаггүй
УИХ дахь Ардчилсан Нам(АН)-ын бүлгийн хуралдаанаас гаргасан шийдвэрийн талаар мэдээлэл хийлээ.УИХ-ын гишүүн Ж.Батсуурь “Өнгөрсөн 14 хоногийн хугацаанд өөр үзэл санаатай намын бүлгийг нэгтгэх дөрвөн удаагийн хурал зохион байгууллаа.
Энэ долоо хоногийн Баасан гарагт Үндэсний Бодлогын Хороо(ҮБХ) хуралдах шийдвэр гаргасан. Хуралдаанд ҮБХ-ны 300 гаруй гишүүн оролцох төлөвтэй байна. Ингэснээр цаашид ямар нэгэн маргаан гаргахгүйгээр даргаа сонгож, намынхаа үзэл бодол, байр суурийг нээлттэй ярилцах боломж бүрдэж байгаа.
Намын их эвлэрлийн ажлын хэсэгт С.Эрдэнийн болон Женко талын хүн орж байгаа эсэхийг сэтгүүлч нар их асуудаг. ҮБХ-ны нийт 400 орчим гишүүн байдаг. Үүн дотор С.Эрдэнийн талын гишүүн ч бий. Тэд энэ сарын 13-нд болох хуралд оролцох хүсэлтэй байгаагаа илэрхийлсэн.
Ардчилсан Намын анхан болон дунд шатны гишүүдийн дунд хагарал байдаггүй. Эдгээр гишүүн маань санаа зовох зүйлгүй. УИХ дахь АН-ын бүлэг манлайлал үзүүлж, үүсээд буй асуудлыг хуучин хэвд нь оруулан Улсын Дээд Шүүхийн цонхон дээр намаа төлөөлөх хүнээ ойрын хугацаанд сонгож чадна” гэв.
