Сүхбаатар дүүргийн 8, 9 дүгээр хорооны нутаг дэвсгэр Их тойруугийн авто зам “Дөлгөөн нуур” худалдааны төвийн уулзвараас “Өлзий төв” хүртэлх авто замын хоёрдугаар хэсгийн засвар, шинэчлэлтийн ажлыг нөгөөдөр буюу 9 дүгээр сарын 21-ээс эхлүүлнэ.
Тодруулбал Дөлгөөн нуур худалдааны төвийн урд хэсэг буюу Хүрд спорт заалаас Өлзий төв хүртэлх авто замыг 9 дүгээр сарын 21-ний өдрийн 23:00 цагаас хааж, 9 дүгээр сарын 23-ний өдрийн 06:00 цагийн хүртэл засварлана гэж нийслэлийн замын хөгжлийн газраас мэдээллээ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
