“Boeing 737 Max” нисэх онгоцны ослын буруутныг олжээ

Индонезийн агаарын тээврийн “Lion Air” компанийн “Boeing 737 Max” нисэх онгоц өнгөрсөн оны эхээр унаж, осолдсоноор 189 хүн амь үрэгдсэн билээ. Удаан үргэлжилсэн мөрдөн шалгах ажиллагааны эцэст ослын буруутан нь “Lion Air”  болон “Boeing” компаниуд, мөн нисгэгчид болохыг мэдээлжээ.

Ослоос таван сарын дараа буюу аравдугаар сард Этиопын агаарын тээврийн өөр нэг “Boeing 737 Max” нисэх онгоц сүйрснээр 157 хүн амь үрэгдсэн билээ. Энэ хоёр осолд “Boeing” компанийн нисэх онгоцны загварын алдаа буруутай гэж үзжээ.

353 хуудас бүхий Индонезийн агаарын тээврийн “Lion Air” компанийн “Boeing 737 Max” нисэх онгоцны ослын дүгнэлтэд дурдсанаар нийт есөн алдаатай хүчин зүйл осол гарахад нөлөөлсөн гэж үзжээ. Юун түрүүнд, нисгэгчийн бүхээгт асуудал үүссэн байхад хэлж засуулалгүй хөөрчээ. Мөн Флорида дахь засварын төвөөс худалдаж авсан чухал мэдрэгчээ өмнө нь туршиж үзээгүй аж. Улмаар АНУ-ын иргэний нисэхийн удирдах газраас тус газрын сертификатыг цуцалжээ.

Түүнчлэн нисэх онгоцны хамар нь үргэлж доошоо чиглэж, жолоодлого булаацалдсан системийн алдаатай байсан гэнэ. Эдгээр доголдлыг туршилтын нислэгийн үеэр мэдэх учиртай байжээ. Мөн нисэх онгоцыг жолоодож явсан нэгдүгээр нисгэгч нь шаардлагад нийцэх хэмжээний сургалтад хамрагдаагүй, үйл ажиллагааны дарааллыг хангалтгүй цээжилсэн гэнэ. Мөн нисэх онгоцны техникийн зааварчилгаанаас 31 хуудас дутуу байжээ. Улмаар осолд “Lion Air”  болон “Boeing” компаниуд хоёул буруутай гэж үзсэн байна.

Эх сурвалж: ВВС

Түгээх:
TSEG.mn таалагдсан бол Лайк дараарай. Баярлалаа

Холбоотой мэдээ

Сэтгэгдэл бичих

Хүн бүр үзэл бодлоо илэрхийлэх эрхтэй. Харин таны эрх, эрх чөлөө бусдын эрхээр хязгаарлагдахыг бүү мартаарай. Сэтгэгдэлтэй холбоотой санал, гомдлыг 89787900 утсаар хүлээн авна.