Шүүхээс түүнд нэг жилийн хорих ял, 2 сая вонын тургууль ноогдуулжээ. Мөн нөхөн сэргээх эмчилгээний 80 цагийн сургалтад суухыг даалгаж, тэр даруй цагдан хорих шийдвэр гаргасан тухай орон нутгийн хэвлэлд мэдээлжээ.
Ю А Ин-г 2020 оны 9-р сараас 2023 оны 1-р сар хүртэл нийт 181 удаа эмнэлгийн зориулалттай пропофолыг хүний нэр ашиглан хэрэглэсэн хэргээр шалгагдаж байсан юм.
Шүүх түүнийг хар тамхи татах дадал зуршилтай, марихуан татсан гэм буруутайд тооцож, нэг жилийн хорих ялаар шийтгэж, зугтах эрсдэлтэй гэж үзэн тэр даруй цагдан хорьжээ. Түүнчлэн, шүүх түүнийг “Хуулийн цоорхойг ашиглан гэмт хэрэг үйлдсэн, хар тамхитай холбоотой зохицуулалтыг үл тоомсорлож байна, сэтгэцэд нөлөөт эмнээс хамааралтай байдал аль хэдийн ноцтой болсон тул дахин гэмт хэрэг үйлдэх эрсдэлтэй" гэж үзсэн байна.
Харин марихуан хүлээн авсан, нотлох баримтыг устгахыг өдөөсөн зэрэг хэрэгт нотлох баримт дутмаг гэх үндэслэлээр гэм буруугүй гэж үзжээ.
Ю А Ин нь мөн 30 гаруй насны эрэгтэйд бэлгийн хүчирхийлэл үйлдсэн хэргээр цагдаагийн байгууллагад шалгагдаж байгаа юм.
Эх сурвалж: MBN NEWS
Орчуулсан: Э.Тунгалаг
