Япон улсын Миязаки мужийн Хюүганадад наймдугаар сарын 8-ны 16.43 цагийн орчимд 7.1 баллын хүчтэй газар хөдлөлт болжээ. 7 баллаас дээш хүчтэй газар хөдлөлт болоход дагалдах газар хөдлөлт нь анхны газар хөдлөлтийг давж 8 баллаас дээших асар хүчтэй газар хөдлөлт болох тохиолдол хэдэн зуун удаад нэг удаа /ойролцоогоор долоо хоногийн дотор/ тохиолдох магадлалтай аж.
Иймд Япон Улсын Засгийн газар, Японы цаг уурын агентлаг (JMA)-аас “Асар хүчтэй газар хөдлөхөөс сэрэмжил" анхааруулга сэрэмжлүүлгийг анх удаагаа гаргасан байна.
Засгийн газраас “Дараагийн асар хүчтэй газар хөдлөлт заавал болно гэсэн үг биш” ч гэсэн гамшиг учрах магадлалтай бүс нутгийн иргэд гамшгийн бэлтгэлээ сайтар хангахыг уриалав.
Энэхүү байгалийн гамшгийн улмаас Япон улсын Ерөнхий сайд Ф.Кишидагийн наймдугаар сарын 11-12-ны өдрүүдэд Монгол Улсад хийх албан ёсны айлчлал тодорхойгүй хугацаагаар хойшлогдсон талаар Япон улсын ЭСЯ-наас өнөөдөр /2024.08.09/ мэдэгдлээ.
