Захиргааны хэргийн давж заалдах шатны шүүх "Үндэсний эвсэл"-ийн тэргүүн Н.Номтойбаярыг нэр дэвших эрхтэй гэж шийдвэрлэсэн. Тодруулбал, Н.Номтойбаярын шүүхэд гаргасан нэхэмжлэлийг бүхэлд нь хангаж, нэр дэвшигчээр бүртгэх үүргийг СЕХ-д өгсөн билээ.
Гэвч шүүхийн шийдвэр албан ёсоор СЕХ-нд ирээгүй байна гэж СЕХ-ны хэвлэлийн төлөөлөгч мэдээллээ. Тиймээс өнөөдөр Н.Номтойбаярыг нэр дэвшигчээр бүртгэж, үнэмлэх гардуулахгүй бололтой.
Өнөөдөр /2024.06.10/ нэр дэвшигчдэд үнэмлэх гардуулж, сонгуулийн сурталчилгаа албан ёсоор эхэлж байгаа. Үүнтэй холбоотойгоор "Үндэсний Эвсэл”-ийн 11:00 цагт “Corporate Convention”-д сонгуулийн сурталчилгааны нээлтээ хийхээр товлон зарлаад байна.
