Хөгжлийн бэрхшээлтэй хүний эрхийн хороо болон Хараагүйчүүдийн холбооноос хөгжлийн бэрхшээлтэй иргэдийн эрх ашгийг хамгаалах чиглэлээр Засгийн газарт шаардлага хүргүүлж байгаа талаараа мэдээлэл хийлээ.
Тодруулбал Монгол Улсын Ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-Эрдэнэд шаардлагыг хүргүүлж буй.
Шаардлагын хариуг 2023 оны аравдугаар сарын 10-ны өдрийн дотор өгөхгүй, асуудалд тоомжиргүй хандаж үл тоох аваас аравдугаар сарын 12-ны өдрөөс тэмцлийн үйл ажиллагаанд шилжих болно гэв.
Монгол Улсын төр засгаас хөгжлийн бэрхшээлтэй хүний эрхийг хангаж, амьдралын чанарыг сайжруулахад анхаарч зарим шаардлагатай хууль тогтоомж, бодлого, шийдвэрийг гаргаж байгаа боловч хэрэгжилт туйлын хангалтгүй байгаагаас хөгжлийн бэрхшээлтэй иргэдийн амьдралд бодитой үр дүн гарахгүй байна гэдгийг Хөгжлийн бэрхшээлтэй хүний эрхийн хорооны төлөөлөл онцоллоо.
