Урлагийн ертөнцөөс ойрын өдрүүдэд халуун сенсаац болоод байгаа сэдэв яалт ч үгүй МУГЖ С.Жавхлангийн “Налгар намар” тоглолт. Энэ сарын 30-нд Төв цэнгэлдэхэд болох түүний тоглолтод очихоор сонсогч фенүүд нь дээлээ бэлдээд эхэлсэн гэх.
Тэгвэл яг энэ өдөр давхцан нийтийн дууныхнаас тоглолт хийх нэгэн гараад ирсэн нь сошиалд багагүй бүүм дэгдээгээд байна. С.Жавхлангийн тоглолттой давхацуулж тоглолтоо хийдэг “чин зоригтон” бол Н.Дашдэмбэрэл. Түүний хувьд энэ өдөр “Ижий гөрөөс” уран бүтээлийн цэнгүүнээ UB palace-т зохион байгуулах аж. Мэдээж С.Жавхлангийн улаан, ногоон фенүүд энэ үйл явдалд яаж дуугүй суухав.
“Монголын нийтийн дууны хаан, бүх цаг үеийн шилдэг дуучныг сөрдөг энэ ер нь хэн юм бэ. Энэ яг шатна аа” гэхчлэн сэтгэгдлүүдээ илэрхийлсээр.
Харин үүнд нь С.Жавхлан мужиклаж “Энэ мэт ингэж ийм зохисгүй байж боломгүй шүү! Ахан дүүсээ! Дүүгийнхээ дууг сонсож уярдаг шүү!” хэмээн өмөөрчээ.
