“Ард даатгал”, “Ард менежмент”, “Ард койн”, “Ард кредит”, “Ард санхүүгийн нэгдэл”-ийн үүсгэн байгуулагч “Хас”-ын Ч.Ганхуягийг эмэгтэй хүн зодсон хэргээр шалгаж байна. Тодруулбал, хэргийг Сүхбаатар дүүргийн цагдаагийн хэлтсээс шалгаж, хэрэг нээн прокурорт шилжүүлжээ.
Тэрбээр хэдэн сарын өмнө олон нийтийн газар танхайрч, нэгэн эмэгтэйг зодсон бөгөөд тухайн зодуулсан эмэгтэй гомдол гаргаснаар уг хэргийг шалгаж эхэлсэн байна. Харин тэрбээр уг асуудлыг үгүйсгэсэн тайлбарыг өгчээ.