Байгаль орчиндоо “Эрүүл аюулгүй-Цэвэр орчин” бүрдүүлэх, усны нөөцийг хамгаалахад иргэдийн идэвх оролцоог нэмэгдүүлэх зорилгоор жил бүр уламжлал болгон зохион байгуулдаг "CLEAN UP" бүх нийтийн цэвэрлэгээг энэ жил “World Clean Up Day” буюу 2023 оны есдүгээр сарын 16-ны өдрөөр зохион байгуулж байгаа юм.
2018 оноос хойш тасралтгүй 150- 190 орон Дэлхийн цэвэрлэгээний өдрийг хийж ирсэн. Дэлхийн өнцөг булан бүрт байгаа хүмүүс нэгдэж, өөрсдийнхөө төлөө эерэг өөрчлөлтийг бий болгох томоохон дэлхийн хөдөлгөөн энэ өдөр болдог.
Тэгвэл өнөөдрийн төслийн хамгийн онцлог дүрээр ирээдүй хойч үе болсон залуус маань байлаа. Олон их дээд сургуулиудын төлөөлөл болсон оюутан сурагчид нэгдэж нэг зорилго руу тэмүүллээ. Уг төсөлд оролцсон хэн ч болов дахин хог хаяхгүй. Тэр хэмжээгээрээ эрүүл аюулгүй орчинд амьдрах юм.
