Хөгжлийн банкны өмчлөлд шилжүүлсэн 270.8 тэрбум төгрөгийн үнэ бүхий үл хөдлөх хөрөнгийг нээлттэй худалдан борлуулах талаар өнөөдөр холбогдох газраас нь мэдээлэл хийлээ. Өнгөрсөн 2022 оноос Хөгжлийн банкны чанаргүй зээлийн эргэн төлөлт эрчимжсэн. Ингэснээр 1.3 их наяд төгрөгийн зээлийн эргэн төлөлт хийгдсэн юм.
Хөгжлийн банкны зээлийн эргэн төлөлтийг авахдаа бэлэн мөнгөөр төлүүлдэг ч чанаргүй, эрсдэлтэй болсон зээлдэгч нараас үл хөдлөх хөрөнгийг нь үнэлж, зээлийг нь төлүүлэх зарчмыг баримталлаа. Энэ хүрээнд нийт 270.8 тэрбум төгрөгийн үнэлгээ бүхий үл хөдлөх хөрөнгө Хөгжлийн банканд шилжиж иржээ. Үл хөдлөх хөрөнгийн ихэнх нь ашиглалтад орсон, зарим нь ашиглалтад ороогүй байна гэдгийг тодотгож байна.
Ингэснээр өнгөрсөн бямба гарагаас эхэлж үл хөдлөх хөрөнгийг борлуулах ажлыг эхлүүлжээ. Хамгийн эхэнд 6.1 тэрбум төгрөгийн үнэлгээтэй 18 үл хөдлөх хөрөнгийг зарж, борлуулахад бэлэн болжээ.
Худалдан борлуулагдах 18 үл хөдлөх хөрөнгийн байршлын хувьд: