Аль ч насны хүүхдэд эцэг эх, асран хамгаалагч нараараа тэврүүлэх үнсүүлэх, өөрийг нь дэмжин урамшуулж, ямар нэгэн болзол, мөрийгүйгээр хайрлуулах хэрэгцээ зайлшгүй байдаг. Сургуулийн сурагч болсон цагаас эхлэн багш, эцэг эх, асран хамгаалагч нарын нэн түрүүнд тавьдаг шаардлага бол амжилттай суралцах байдаг. Гэтэл хүүхэд бүр амжилттай суралцана гэдэг төвөгтэй зүйл. Харин хүүхэд бүр жаргалтай сурах боломжтой юм. Үүнийг нь сургуулийн орчинд сургууль болон эцэг эх, асран хамгаалагч нарын хамтын ажиллагааны үр дүнд бий болгох боломж нээлттэй байдаг.
Нийслэлийн тэргүүний ерөнхий боловсролын Номт наран сургуулийн сэтгэл зүйн алба нь олон улсын гэр бүлийн өдрийг тохиолдуулан сургууль дээрээ хэрэгжүүлдэг ВЕЕ хөтөлбөрийн хүрээнд эцэг эх, асран хамгаалагч, харгалзан дэмжигч нараас хүүхдэдээ, дүүдээ хэлж чаддаггүй чин сэтгэлийн үгсийг нь хүргэж гэр бүлийн харилцаа, эерэг уур амьсгалыг нэмэгдүүлэх зорилгоор гэр бүлийн гишүүдээс хүүхдэдээ зориулан бичсэн чин сэтгэлийн үгтэй захидлыг гэнэтийн бэлэг болгон сурагчдадаа дамжуулан өгдөг үйл ажиллагааг анх 2018 онд зохион байгуулж байсан ба энэ жил “Зөгийн шидэт үүр” нэртэйгээр зохион байгуулжээ.
Зөгийн шидэт үүрийн зөгийчид “Хамгаас хайрт хүмүүсийнх нь зөвхөн өөрт нь зориулж бичсэн захидлыг хүүхдийн гарт атгуулах тэр мөчид баясал, гайхал хоёр зэрэгцэн тодорч, гэрэлтсэн харцаар захидлаа нээх тэр догдлолыг харах хамгийн сайхан, энэ дүр зураг нь хэзээ ч мартагдашгүй байдаг ба энэ их хайрыг гэрчлэн байгаа бидний сэтгэл мөн хөөрөн баясаж энэхүү ажлаараа бахархах сэтгэл төрдөг” гэдгийг онцлов.
Томчууд бид хэдий хүүхдүүдээ хайр халамжаар дутаахгүй, асарч хүмүүжүүлж чадах ч хүүхдэдээ хэлж буй үг, харц хамгийн чухал байдаг учир хүүхдээсээ хайраа илэрхийлсэн, урам зориг өгсөн, чи чадна гэсэн итгэл өгсөн, магадгүй уучлал хүссэн үгсийг бүү харамлаарай.
Автобусны маршрут:
Буцах:
