Б.Жавхлан: Төрийн албан хаагчдын цалинг өсгөхөд 900 тэрбум төгрөг зарцуулна

Сангийн сайд Б.Жавхлан өнөөдөр болсон Засгийн газрын хуралдааны шийдвэрийг танилцуулж байна. Хуралдаанаар энэ оны улсын төсөвт тодотгол оруулах талаар хэлэлцсэн юм.

Тэрээр "Дараах 5 ажилд нийт 1.8 их наяд төгрөг зарцуулах болсон тул төсөв тодотгох шаардлага үүссэн. 

• Хүүхдийн мөнгийг хүсэлт гаргасан өрх бүрд нөхөж олгох 
• Төрийн зарим албан хаагчийн суурь цалинг нэмэх (үүнд 900 тэрбум төгрөг зарцуулна) 
• Нийслэлийн замын түгжрэлийг шийдэх -Халамжийн хэмжээг өсгөх. 1.8 их наяд төгрөгөөр төсвийн зардал өслөө. 

Энэ нь бага мөнгө биш тул бүх нөөцөө дайчлах шаардлагатай. Энэ онд татвараас, НӨАТ-өөс чөлөөлөх хууль батлахгүй" гэв.