ШИЛ АЖИЛЛАГАА ээлжит сангуудынхаа мэдээлийг нээлттэй, ил тод байршууллаа.
Тодруулбал, Байгаль орчин, уур амьсгалын сан, Шинжлэх ухаан, технологийн сан, Гэмт хэргийн хохирогчид нөхөн төлбөр олгох сан, Кино урлагийг дэмжих сан, Хилийн чанадад байгаа Монгол Улсын иргэдэд туслах сан зэргийн мэдээлэл өнөөдрөөс нээлттэй болсон юм.
Үүнээс Боловсрол, шинжлэх ухааны яамны хариуцдаг Шинжлэх ухаан, технологийн сангийн мэдээлэл анхаарал татаж байна. Хаа хаанаа шинжлэх ухааны салбарт төсөв байхгүй, дэмжлэг муу гэж хэлж ярьсаар ирсэн энэ үед тус сангийн санхүүжилт олны гайхшралыг төрүүлж эхэллээ.
Шинжлэх ухаан, технологийн сангаас МУИС л гэхэд 2007-2022 оны хооронд 15.2 тэрбум, ШУТИС 8.3 тэрбум, Мал эмнэлгийн хүрээлэн 7.8 тэрбум, Хими, химийн технологийн хүрээлэн 7.1 тэрбум, Ургамал, газар тариалангийн сургалт хүрээлэн 6.4 тэрбум, Мал аж ахуйн эрдэм шинжилгээний хүрээлэн 5.4 тэрбум, Хөдөө аж ахуйн их сургууль 5.3 тэрбум, Физик, технологийн хүрээлэн 5.2 тэрбум, АШУҮИС 3.9 тэрбум зэргээр санхүүжилт авчээ. Үүнээс 2011 онд хамгийн их санхүүжилтийг олгосон бол 2021 онд энэ тоо харьцангуй багасчээ.
Салбаруудаар нь ангилбал, байгалийн шинжлэх ухааны салбар, Хөдөө аж ахуйн салбарт түлхүү санхүүжилт олгогдсоор иржээ.
Харин технологи, дээд боловсролыг шинэчлэл, докторын дараах инноваци, залуу судлаачдын төсөл хөтөлбөрүүд хамгийн муу дэмжигджээ.
Дэлгэрэнгүйг эргэн мэдээлнэ.
