Боловсролын зээлийн сан эрх мэдэл, албан тушаалаараа далайлгасан эрхмүүд тоносон нь ил болсон.
Тухайлбал, Ерөнхий сайд асан Чимэдийн Сайханбилэг л гэхэд 2001 онд АНУ-ын Дж.Вашинтоны их сургуульд суралцахаар БЗС-гаас 26,025 ам.доллар зээл авч байсан бөгөөд зээл болон хүүгийн төлбөрт нийт 41,711 ам.доллар буюу одоогийн ханшаар 145 сая төгрөгийн өртэй байжээ.
Харин үүнийг 2009 онд Засгийн газрын 242 дугаар тогтоолын дагуу чөлөөлжээ. Тухайн үед Ерөнхий сайдаар С.Баяр, БСШУ-ны сайдаар Ё.Отгонбаяр ажиллаж байжээ.
Ч.Сайханбилэгийн хувьд зээлээс чөлөөлөгдөх үедээ УИХ-ын гишүүнээр ажиллаж байсан юм байна.
