Улстөрчдийн хамаарал бүхий этгээдүүд Боловсролын зээлийн сангаас зээл авч гадаадын их, дээд сургуульд суралцсан талаарх мэдээлэл нийтэд ил болсноор олон нийтээс ихээхэн шүүмжлэлийг хүртэж буй.
Тухайлбал, 2019 онд Оюуны өмчийн газрын дарга Ганбатын Элбэгсайханыг Хууль зүй, дотоод хэргийн Дэд сайдаар томилсон юм. Түүний албан тушаалдаа томилогдсон жилд охин Э.Марал нь Боловсролын зээлийн сангаас 87278 ам. доллар буюу одоогийн ханшаар 301 сая төгрөгөөр Канад улсын Торонто Их сургуульд суралцжээ.