Завхан аймгийн Улиастай сумын Богдын гол багт Даян хэсгийн гол дагуух айл өрхүүд голын усны халианд автах гэж байна гэсэн дуудлагыг онцгойгийнхон нэгдүгээр сарын 22-ны 17:32 цагт хүлээн авчээ.

Дуудлагын дагуу тус аймгийн Онцгой байдлын газрын алба хаагчид Улиастай сумын Засаг даргын Тамгын газрын ажилтнууд 250 шоо метр шороо зөөж 60 м урт, 1.2 м өндөртэй далан босгож аюулыг багасгажээ.

Голын халиа үүсэх эрсдэлтэй тухайн газарт 200 гаруй айл өрх оршин суудаг хэмээн ОБЕГ-аас мэдээлэв.