© Tseg.mn. 2011-2022
Сурвалжилга

Иргэдийн худалдан авах чадамж мууджээ

Өргөн хэрэглээний бараа бүтээгдэхүүний үнэ өдрөөс өдөрт өсч хяналт тавих ёстой холбогдох байгууллага болох ШӨХТГ ажиллахгүй байгааг иргэд шүүмжилсээр байна. “Өглөө сэрээд дэлгүүр ороход бараа бүтээгдэхүүний үнэ нэмэгдэлтэй ирж” байна хэмээн худалдагчид учирлаж буй. Муу хүн чөлөөнөөр чоно борооноор гэгчээр ОХУ-д дэгдсэн дайнтай холбогдуулан нарийн ногооны үнэ цаашид нэмэгдэнэ гэдгийг худалдаачид хэлж байгаа юм. Бодит байдлыг сурвалжлахаар Баянзүрх худалдааны төвийг зорьлоо. 11 цагийн үед очиход үйл ажиллагаа жигдэрсэн хэдий ч хүмүүсийн хөл хөдөлгөөн бага, ил хуль худалдагчид өөр хоорондоо ярилцан зогсч байв. Эхний очсон тасаг бол махны тасаг.   
Өнөөдрийн байдлаар үхрийн ястай мах 12,000, адуу 10500 , ямаа 12000, хонь 3500 харин цул нь 12,500, үхэр 13800, адуу 9500 төгрөгийн үнэтэй байна.
Харин хүнсний ногоо тасаг руу худалдагч жимсээ цэгцэлж, алимаа арчиж байгаа дүр зураг харагдав. Хүнсний ногооны үнэ өссөн үзүүлэлттэй байлаа. Төмс 2500, лууван 1200, байцаа 3000, манжин 2500, сонгино 4000 төгрөг. Тус төвийн ногооны тасгийн худалдагч Д “Иргэдийн худалдан авах чадамж эрс муудсан. Урд хөрш хилээ нээхгүй байгаа. Хүнсний ногоо орж ирэхгүй бол цаашид үнэ нэмэгдсээр байна. Олон кг-аар авдаг хүн бараг байхгүй. Нэг кг эсвэл граммаар авна. Өдрийн орлого огцом багассан” гэлээ
Биднийг ийн ярилцах зуур зэргэлдээх лангуунаас ногооны үнэ асууж зогссон иргэн худалдан авалт хийлгүй хоосон буцаж байв. Энэ нь иргэдийн худалдан авах чадамж буурсныг гэрчилж байгаа юм. Хүнсээ цуглуулаад явж байсан зарим иргэдийн сэтгэгдлийн сонслоо. Иргэн Л.Дулам ‘’ Өргөн хэрэглээны үнэ цаашдаа өссөөр байвал ард иргэд бидний амьдрал дартагтаа тулна. Өнгөрсөн жилийн мөн үетэй харьцуулахад хүнс, мах гэлтгүй бөс барааны үнэ хүртэл 60-70 хувь өссөн. Иргэн Г.Доржсүрэн ‘’ Монгол улс 70 сая малтай гэтэл бид махаа тэнгэрт хадсан үнээр авч байна. Гэтэл авсан цалин хаанаа ч хүрэхгүй. Өрнөөс өрний хооронд амьдардаг. Бидний амьдрал үнэхээр хүнд тусч байна” хэмээн бухимдангүй хэлж байлаа.
                                                                                                                                                                       Э.Ариунзул

 

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд Tseg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)
Шинэ мэдээ
Их уншсан
Уншиж байна ..