• Шуурхай мэдээ:
  • УЛААНБААТАР 7°C
  • 11-р сарын 24, Баасан

Чуулганы хуралдаанд Ерөнхийлөгч оролцож байна

А.БАТЖАРГАЛ, tseg.mn
2017/11/09 / Нийгэм

УИХ-ын чуулганы нэгдсэн хуралдааныг өнөөдөр 10.00 цагт товлосон бөгөөд гишүүдийн ирц бүрдсэнээр дөнгөж сая эхэллээ.

Тус хуралдаанаар Монгол Улсын 2017 оны төсвийн тодотголд тавьсан Ерөнхийлөгчийн хориг хэлэлцэж эхлээд байна.

Хориг хэлэлцэж байгаа учраас Ерөнхийлөгч Х.Баттулга тус чуулганы хуралдаанд оролцож байна.

Ерөнхийлөгч 2017 оны төсвийн тодотголд бүхэлд нь хоригт тавих болсон үндэслэлээ "2017 оны төсвийн тодотголд төрийн албан хаагчдад 55.4 тэрбум төгрөгийг нөхөн олговор хэлбэрээр олгохоор тусгасан нь үр дүнгүй, мөн Төсвийн хуульд тавигддаг тодорхой шалгуур хангаагүй" гэж үзсэн юм.

Уг хоригийг УИХ дахь МАН-ын бүлэг "Хүлээн авахгүй, 2017 оны төсвийн тодотгол хууль зөрчөөгүй" гэдэг байр сууринд нэгдсэн бол УИХ дахь Ардчилсан намын бүлэг "Хоригийг хүлээн авах ёстой" гэж үзсэн.

УИХ-ын Төсвийн байнгын хороо, УИХ-ын Хууль зүйн байнгын хорооны хуралдаанаар хоригийг хэлэлцэхэд гишүүдийн олонх "Хоригийг хүлээн авах боломжгүй" хэмээн шийдвэрээ гаргаад байгаа.Тэгвэл энэхүү хоригнуудтай холбоотой асуудал өнөөдрийн хуралдаанаарр эцсийн шийдэлд хүрэх юм.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд tseg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Таны нэр
Cэтгэгдэл
Шинэ мэдээ
Их уншсан