• Шуурхай мэдээ:
  • USD 2404.49
  • УЛААНБААТАР 19°C
  • 6 сарын 1, Пүрэв

Хойд Солонгосын пуужинг амдаж устгах туршилтыг АНУ амжилттай хийлээ

А.БАТЖАРГАЛ, tseg.mn
2017/06/14 / Улс төр

Хойд Солонгосын пуужинтай ижил төрлийн буюу тив хоорондын баллистик пуужинг амдаж устгах туршилтыг анх удаа амжилттай гүйцэтгэснээ АНУ-ын пуужингаас хамгаалах агентлаг мэдээллээ.

 

Өчигдөр буюу Мягмар гарагийн өглөө GMD (Ground based Midcourse Defense) хамгаалалтын систем Калифорни дахь Ванденбергийн агаарын баазаас байг харваж устгасан байна. Тив хоорондын пуужинг дуурайлгаж бүтээсэн бай нь Номхон далайн Маршаллын арлуудын Кважален шүрэн арлаас агаарт хөөрсөн гэнэ. Байг Номхон далайн усан дээр агаарт устгажээ.

Кважален нь Калифорний Лос Анжелес хотоос 8,000 орчим километр зайнд байдаг.

Туршилтыг жилийн өмнөөс төлөвлөсөн байсан ба Хойд Солонгосын сүүлийн үеийн туршилтуудтай холбоогүй гэж Пентагоны нэрээ нууцалсан эх сурвалж мэдээлжээ. Туршилтанд Exo-atmospheric Kill Vehicle (EKV) хэмээх шинэ пуужин устгагчийг анх удаа хэрэглэсэн бол тив хоорондын баллистик пуужинг мөн анх удаа устгаж туршсан байна.

Бушийн засаг захиргааны үед буюу 2004 онд зэвсэглэлд шинээр оруулсан GMD хамгаалалтын системийг байлдааны ажиллагаанд огт ашиглаж байгаагүй. Хамгийн сүүлд 2014 онд туршиж байжээ. Одоогоор 32 ийм систем Аляска, Калифорний Номхон далайн сав дагуу байрлаж байгаа. Энэ оны сүүлээр найман шинэ систем зэвсэглэлд нэмэхээр болжээ.

 

 

Эх сурвалж: Russia Today

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд tseg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Таны нэр
Cэтгэгдэл
Зочин 2017/08/24 IP:66.181.182.73
Зочин 2017/06/14 IP:127.0.0.1
Good PK
Шинэ мэдээ
Их уншсан