УИХ-ын чуулганы хуралдаан боллоо. Хуралдаанаар БШУ-ны сайд Л.Энх-Амгалан дараах мэдээллийг өгөв.
Тэрбээр “ Нийслэлийн хэмжээнд 3 ээлжинд орчихсон, 3 ээлжинд орох эрсдэл үүссэн 17 сургууль байна. Ирэх есдүгээр сарын 1-нээс өмнө оновчтой шийдэл хийхээр зорьж байгаа. Хамгийн гол ажил бол 3 ээлжээр хичээллэдэг сургуулиуд дээр арга хэмжээ авна.
Нэг ангид 50, 60 хүүхэд сууж байгаа сургуулиуд дээр бодлогын шийдэл хийж дээрх 17 сургууль дээр нэг ангид 45-аас хэтрүүлэхгүй байх боломжийг хангаж өгөх ёстой.
Үүнийг шийдэх арга нь сургуулиуд барих боловч бид сургууль баригдахыг хүлээгээд нэг ангид 50,60-аар нь суулгаад баймааргүй байна. Ийм байж боловсролын чанарын ялгаа, боловсролын хот хөдөөгийн чанарын ялгаа арилах гэж байна гэж нүд хуураад суугаад байж болохгүй.
Ирэх намрын барих бодлого бол 3 ээлжинд орчихсон, орох эрсдэлд байгаа сургуулиуд дээр өргөтгөл хийх, барилга дээр нь давхар нэмэх зэргээр арга хэмжээ авах нь зөв гэж харж байгаа” гэв.
